Ranj-o-Gham ki dhoop thi aur door tak saya na tha...,
Dard k sehra mein koye Raahraw paida na tha...,
Gham ki peeli dhoop ne uss ki latafat cheen li...,
Meray jazbon ka shajar warna kabhi peela na tha...,
Daastan-e-ishq ki baatain adhoori reh gayen...,
Daftar dil ka meray koye warq sada na tha...,
Lasha be-sar...Khandar aur ek bhayank teergi...,
Iss tarah ka khawab pehlay tou kabhi dekha na tha..,
Hr qadam per muntazir theen maslon ki sooliyaan...,
Hr qadam per imtehaan hoga kabhi soocha na tha..,
Khawab ki dunya se akhr loot'ta main kis tarah...,
Manzron k darmyan tou koye darwaza na tha...,
Mujh ko Raahi waqt ne iss wajah se loota nahin..,
Dard ki dolat thi koye aur sarmaya na tha...!!!!!!
Comments :
Post a Comment